Farmer’s market (para sa mga balikbayan blogkadas)

TGIF !! Weekend na….. sa aming mga blessedly single, gimik day yehey! Palusot pa eh, no? Sa totoo lang, loser’s day nyahahaha! Nood ng sine, night clubbing, pasyal sa mall, kain sa Jollibee….nang mag-isa o kaya may kasamang friend na loser din hehehe. 

Sa mga blessedly double hehe, weekends mean laundry days, market days, kuskos-banyo days, linis-bahay days, sulsi-butas-na-medyas days at kung nagkataong sweldo, kain-sa labas days with wishart and the kids.

Naku ha, kahi’t na blessedly singgol ang byuti ko, ako rin ang namamalengke, naglalaba, at kuskos-banyo. Waaah! Kaya nga gusto ko nang mag-asawa eh, para siya na lang ang weekend slave ko hehehe. Tsk bad Ella

Speaking of palengke, dahil nagpapanggap o nangangarap na maging sosyal ang byuti ko, dumadayo pa ako sa Makati para mamalengke. Sa enclave of the rich and famous at sandamakmak na expats…..sa Salcedo Village.

Shet, kedaming byutipul pips dito! Dami ko nang nakitang artista na muntik na akong magpapirma (baduy ko talaga). Every Saturday, sa gitna ng mga towering condos, ang maganda at malaking park ng village na ito ay biglang nagiging palengke. Farmer’s market ang tawag nila, opkors, sosyal eh hehehe

Sabagay, dapat ngang tawaging farmer’s market ito dahil sa klase ng mga tinda nila.  Makikita rito ang mga products at specialty foods ng halos lahat ng regions natin, from the northern provinces of the Philippines to the Visayas and Mindanao. Sa totoo lang para ka na ring nag-tripping sa buong Pilipinas.

Eh ang kaso mo, ‘yung mga tindera’t tindero roon, mga mukhang milyonaryo. Mukhang ikaw pa ang babayaran para bumili ng tinda nila nyahahaha! Millionaire farmers’ market? hehe

 Sa bungad, mga halamang tinitinda

Sa tabi ng mga plants, mga bayong, tampipi, sombrero from Lucban, Quezon (may tinda rin silang pansit habhab)

Sa harap ng mga bayong, bagel, just like those in New York with matching bagel spread 

Lahat ng klaseng kakanin, may lumpia pa from Kalibo, Aklan

From Laguna, sariwang gatas ng kalabaw, kesong puti, carabao milk cheese, yogurt, atbp

Fresh alimango at hipon flown from Roxas City

From the Ilocos region, bagnet, vigan longanisa, sukang Iloko, bonuan

Sariwang isda.Hmmm…palagay ko sa Cavite galing ito

Prutas? Aah, sigurado ako sa Divisoria galing ‘to hehehe

Buhay na tilapia, lumalangoy sa palanggana, from Batangas

Sabay papalamanan ng sibuyas at kamatis at iihawin sa harap mo (P100-P150 ang isa)

Mga lutong Bulacan, grabe, sarap!

Batangas specialty, sinaing na tulingan, suman sa lihiya, sumang malagkit atbp.

Hindi ko naitanong kung saan gawa ang mga suman na’to. Meron pa akong nakitang suman na may luya eh. May sugar-free suman pa hehe

Organic chicken and duck?? Hahaha! Native siguro ang ibig sabihin nito.

Ito pa puwede, organic vegetables, from Tagaytay farms

Lahat ng klase ng isda na puwedeng patuyuin, from the Visayas region

Mangoes from Cebu

Langka from Bicol

Formosa pinya from Bicol din

Special tokwa at tofu at meron din silang taho (without the chalk hehe)

May naligaw na French cuisine hahaha (Pinay kasi ang wife nung mamang French eh)

Eto ang mga tinda nila. Natikman ko na ‘yung mahahabang sausages (mas masarap Vigan longanisa, sorry hehe)

Maraming tables and chairs sa isang covered area kaya puwedeng kumain doon. Sample ng menu nila.

 

Tokwa’t baboy, laing, torta, inihaw na pusit, ginataang langka, lumpiang shanghai, atbp

With matching fresh fruit shake

Hehehe medyo nagmukha akong tanga sa kakakuha ng pics. But I wanted to do it para sa mga  blogkada kong uuwi dito sa atin. Kung kulang ang time ninyo pero gusto ninyong makakain ng authentic Pinoy food, do not miss Salcedo Farmer’s Market every Saturday. The smell of cooking food, the fiesta feeling and the sound of regional accents are enough to make you feel you have come home, at last.

~ by ella on October 30, 2006.