Remember my sweet probinsiyano? Nahinog na lahat ang manggang hilaw na bigay niya. Kinain ko na hehe. Namigay naman ako sa mga kamag-anak , oy. Inuulam ko na nga ‘yung iba eh. Sarap palang ulam ng manggang hinog sa mainit na kanin, no?

Anyway, buhay pa siya. Ang aking probinsiyano hehe. Ibang klase talaga. Patuloy pa rin ang style probinsiyanong panunuyo (meaning pagreregalo). Last Monday, dumating ulit siya sa bahay na may bitbit na malaking kahon. Isinakay na naman niya sa bus ‘yon, ha. Medyo naintriga ako kasi mamasa-masa yung karton. Ano kaya ‘yon?

Pagbukas ko, napanganga ako. Sandamukal na bangus! Sariwang bangus, dinaing, tinanggalan ng tinik, ibinabad sa suka at ibinalot sa plastik individually. Inilagay ang tatlong deboned bagus sa isang plastik. Binilang ko ang plastik…dalawampu! Jeez, 60 daing na sariwang bangus!! Sariwa dahil bagong harvest at hindi frozen.

May kasama pang tatlong plastik ng tig-tatatlo ring tinapang bangus. Grabe, ang bango ng smoked bangus! Hindi ako nagpahalatang gustong-gusto ko nang iprito ang mga bangus at iulam sa kamatis.

Pero nagka-problema na naman ako sa dami ng regalo niyang isda. Nag-isip na naman akong kumuha ng puwesto sa palengke. Paano namin uubusin ang 69 bangus?? Tatlo lang kami sa bahay. You mean tig-20 kaming ng daing na bangus at tig-tatlo ng tinapang bangus? Hindi kaya mag-amoy isda na kami na binabad sa suka?

Tinanong niya kasi ako minsan kung ano ang peyborit fish ko. Sabi ko daing na bangus, ‘yung binabad sa bawang at suka. I also love tinapang bangus, lalo na ‘yung tiyan. Aba at may palaisdaan rin pala sila bukod sa manggahan. Ayun tinambakan tuloy ako ng daing.

Anong sey, guys? Kapag nagkataon Ella haciendera ang labas ko nito hehehe. Hindi masama. Teka lang, ‘yun pala taga-kaliskis lang ng bangus at taga-pitas ng mangga si Ella nyahahaha!

P.S. Muntik na akong maloka sa sarap ng tinapang bangus. Inulam ko sa kamatis. Grabe! Ang saaaaraaap! Iba talaga pag sariwa ang isda (at saka mas masarap kapag regalo).